हामीकहाँ आइपुग्न परमेश्वरले जे गर्नुभएको छ त्यस विषयमा भएको खबर नै सुसमाचार हो । यो परमेश्वरकहाँ पुग्न हामीले के गर्नुपर्छ भन्ने सल्लाह होइन ।
टिम केलर, रक्षाशास्त्री, पास्टरसाथै ईश्वरशास्त्री
येशू हामीलाई जीवनका प्रश्नहरूको जवाफ दिन आउनुभएन, उहाँ आफै जवाफ बन्न आउनुभयो ।
टिम केलर, रक्षाशास्त्री, पास्टरसाथै ईश्वरशास्त्री
तपाईं जुनसुकै परिस्थितिमा पनि खुसी हुन सक्नुहुन्छ । तपाईंले केवल परमेश्वरमाथि विश्वास गर्न आवश्यक छ ।
निक भुजिसिक, सुसमाचार प्रचारकसाथै वक्ता
सुसमाचारमा तपाईंलाई जे मन पर्छ तपाईंले त्यसलाई मात्र विश्वास गर्नुभयो र मन नपरेको कुरोलाई तपाईंले इन्कार गर्नुभयो भने तपाईंले विश्वास गर्नुभएको कुरो सुसमाचार होइन, यो त तपाईं आफै नै हुनुहुन्छ ।
अगस्टिन, ख्रीष्टियान दार्शनिक, लेखकसाथै ईश्वरशास्त्री
सम्पूर्ण सुसमाचार ख्रीष्टमा समावेश छ ।
जोन काल्भिन, ईश्वरशास्त्री, लेखकसाथै पास्टर
जुनसुकै बेला सुसमाचार प्रचार गरिँदा यो भनेको परमेश्वर हाम्रा माझमा आउनुभएको जस्तै हो ।
जोन काल्भिन, ईश्वरशास्त्री, लेखकसाथै पास्टर
सुसमाचारमा प्राकृतिक मानिसलाई आकर्षण गर्ने त्यस्तो कुनै कुरो छैन । सुसमाचारलाई आकर्षित देख्ने एउटै मानिस पापको विषयमा दोषी ठहराइएको मानिस हो ।
ओसवाल्ड च्याम्बर्स, सुसमाचार प्रचारकसाथै शिक्षक
मानिसलाई उचाली परमेश्वरलाई अपदस्थ गर्ने सुसमाचार सुसमाचार हुँदै होइन ।
विल मेजगर
संसारमा धेरै धर्महरू छन्, यहाँ एउटै मात्र सुसमाचार छ ।
जर्ज ओवेन
सुसमाचार भनेको “परमेश्वरले हामीलाई प्रेम गर्नुहुन्छ” भन्ने होइन, तर यो भनेको “परमेश्वरका पुत्रको मूल्यमा उहाँले हामीलाई प्रेम गर्नुहुन्छ” भन्ने हो ।
डेरेक थोमस, पास्टरसाथै ईश्वरशास्त्री
जसरी एउटै मात्र परमेश्वर हुनुहुन्छ त्यसै गरी एउटै मात्र सुसमाचार हुन सक्छ ।
जेम्स डेनी, ईश्वरशास्त्रीसाथै वक्ता
मण्डली सुसमाचारको फल हो ।
हेवेल आर. जोन्स
अन्य सबै सुसमाचारले व्यक्त गरेको कुरोलाई यूहन्नाको सुसमाचारले प्रस्ट पार्दछ र त्यो कुरो यही हो कि क्रूस पराजय होइन तर हाम्रा परमेश्वरको विजय हो ।
स्टान्ली हाउरवास, ईश्वरशास्त्री, नीतिज्ञ
हामीले यसलाई स्मरण गरौँ: व्यक्तिको जीवनको ठोस साक्षीविना कसैले पनि येशूको सुसमाचारको घोषणा गर्न सक्दैन ।
पोप फ्रान्सिस
हामीले क्रूसमा टाँगिनुभएका ख्रीष्टको प्रचार गर्दा हामी लर्खराउनुपर्ने वा भकभकाउनुपर्ने वा अनकनाउनुपर्ने वा क्षमायाचना गर्नुपर्ने कुनै कारण नै छैन । सुसमाचारमा हामी शर्माउनुपर्ने कुनै कारण नै छैन ।
सी. एच. स्परजिन, प्रचारक, पास्टरसाथै लेखक
ख्रीष्टियान सुसमाचारको सर्वोत्तम खबर यही हो कि विश्वको सर्वोच्च महिमित सृष्टिकर्ताले हामी र उहाँका बिचमा भएको हरेक अवरोधलाई हटाउन येशू ख्रीष्टको मृत्यु र पुनरुत्थानमा काम गनुभएको छ ताकि उहाँको असीमित सौन्दर्यलाई देख्न र स्वाद लिनमा हामीले अनन्तको आनन्द प्राप्त गर्न सकूँ ।
जोन पाइपर, लेखक, वक्तासाथै पास्टर
एउटाबाहेक संसारको हरेक धर्मले परमेश्वरकहाँ पुग्न काम गर्नुपर्छ भनी बताउँछ । केवल बाइबलीय ख्रिस्टियमतले तपाईंको निम्ति उहाँले काम गर्नुभएको छ भनी बताउँछ ।
एड हिन्डसन, प्रचारकसाथै लेखक
सुसमाचार येशूको बारेमा भएको कथा हो । यो कथा यही हो कि उहाँ परमेश्वरका पुत्र हुनुहुन्छ जो हाम्रा लागि मानिस बन्नुभयो, मर्नुभयो, पुनरुत्थान हुनुभयो अनि उहाँ सबै थोकमाथि प्रभुको रूपमा स्थापित हुनुभएको छ ।
मार्टिन लुथर, सुधारवादी, ईश्वरशास्त्रीसाथै लेखक
